Huseynê Farê - Qemerê
wêneyê hunermendî:ê 190 Xwendin
Parve Bike

Gotinên Stranan

Huseynê Farê - Qemerê

Qemerê qemerê qemerê qemerê
Şirînê qemerê devlikenê qemerê
Çawişa qîzan û bûkan qemerê
De rabe dilê min
lawikê xelqê dîsa qemerê
Ê lê min ê digo
bejinziravê rengesmerê
Çavbelekê gerdenzerê
Wez ê bi qurbana
bejin û bala te ya zirav
Devê li kenê
çav û biriyê belek bim
Ji xema dilê min û te re vê sibê
Reşikê şarê Hemayê
vê sibê de berde
ser bêxwedîka vê kemberê
Ê de bira rebê alemê
ji heqê qebraxê bavê te derê
Tu pişta xwe mede darî
caxa bêxwedîka wê pencerê
Aliyê mala me xewle ye
Hela tu yê vê sibê were
Em ê ji xwe re qasekî
rûnên li heywanê
Li siya kadînê
li ber malê li navderê
Em ê bikin kêf û laqirdiyê
dunyayê dunyalikê
Hetanî kotî heram
jindo nemerdî mêrê
te yê xerab derê
Ji hewşê da
bi ser min û te re were
Belkî destê min li ser taximê
sing û berê te bibîne
Wê gavê bang bike
der û cîrana heval û hogira
Cemaetekî mîna ceaata hazir bînin
Bibêjin gelî musulmana
hûn şahid bin
Ji îro bi şûn da
bi sê telaqê jinberdanê
Mîna qîza felankesê
berdaye ji min re nabe
Belkî darê çeplê bigre bêje
Hadê siktir be derkeve
ji mala min derê qemerê
Hey lê lê hey lê lê
hey lê lê qemerê
Min digo qemera min
destmala destan e
Berdilka temamê xortan e
Gelek piçû ke hê nezan e
Qemera min naşît e bilmez e zarûk e
Bi êşa derdê min nizane
Wexta qemera min
di darê beşîkê da weka geda ye

Qîza malxeraba tu yê
destê xwe di navbêna destê min bikî
Were ez ê te birevînim ........
bavê ser xwidanê
Qemera min hey lê
lê dîlbera dilê min de rabe

Hey lê qemerê şirînê
qemerê nazikê qemerê
Çawişê qîzan û bûka qemerê
De rabe sebra ber dilê min
lawikê xelqê dîsa qemerê
Ê lê qemerê malxerabê sibe ye
Tu yê li heywanê
li navderê meskine
Ez pê hisiya me
divê berbûriyê te hatine
Xwazgînîkê te hatine
di mala qebraxê bavê te de rûniştine
Rebiyo qurbano wê çawa be
Divê nîvê qelenê xwe dane
Hawara Xwedê wele divê
şîranîka qemera min xwarine
Hema wez ê wê gavê
dihatim nava koma xwazgînçiya
Min digo ez di bextê
namûsa we û Xwedê de me
Hûn ê rabin herin malê
Bi sonda qesemê evê
kewa hanê kewa min e
Îsal heft salê min qediya
Ez şopa vê kewa hanê digerînim
Ji dora welatê Serhedê
Min kirî deşta
welayeta bêxwedîka şewitî
Evî xopana gundê hanê
Hûn rabin herin malê
Evê kewa hanê kewa min e
Na na wele gava min wer digo
Min bala xwe didayê
kotîheram jindo nemendî mêrî xirab
Çima lawê zengîna bû
mal û milk û zêr û perê wî pur bû
Di nava cemaetê de
radibû ser xwe
Hinekî kaxid û ewraqan
ji cêva xwe derdixist
Ê lê ji min re digo
de lo lo lawiko
bira mala te xira be
Heyla tu yê bala xwe bidiyê
Bi emrê waliyê Sêrtê
qaymeqamê qeza Qubînê
Bînbaşiyê cendirme belediye reîsê
welayeta Diyarbekira şewitî
Nûredîn Dîrek hetanî
muxtar û ezakê gundê yî xirabe
Ê wele tu yê
hela bala xwe bidiyê
Ê de navê wê kewa hanê
Temamî bi mor û îmze
li ser navê min e qemerê
Hey lê lê hey lê lê
hey lê lê qemerê
Min go qemera min destmala destan e
Berdilkê temamê xortan e
Gele piçûk e li destan e
Qemera min naşî ye bîlmez e zarûk e
Bi êşa derdê dilê min nizane
Wexta qemera min
darê beşîkê xwe de mîna gedan e
Qîza malxeraba tu yê
destê xwe di nava destê min bikî
Were ez ê te birevînim
Tu quma teze bavê ser xwidanê
Qemera min hey lê
lê dîlbera dilê min hey lê
Şîrove

Ka tu şîroveyeke giranbuha li vê gotinê nakî?